Marketing B'darija - الماركتينغ بالدارجة

#الماركتينغ_بالدارجة #قصة_ماركة #Zara زارا علامة تجارية إسبانية معروفة، هي سلسلة محلات لبيع الملابس اللي ماشي غالية بزاف وأيضا مرخيصاش بزاف بين وبين، المؤسس ديالها سميتو أمانسيو أورتيجا. أمانسيو تزاد سنة 1936 في قرية فقيرة شمال إسبانيا، الأب ديالو كان خدام في السكك الحديدية في حين الأم ديالو كانت خادمة بيوت عند الناس باش تقدر توفر ليهم لقمة العيش، أمانسيو بدا الخدمة في سن مبكرة 13 سنة، خلاّ قرايتو وخدم فواحد المحل صغير تيبيع فيه الحوايج. في سنة 1972 غادي يتمكن أمانسيو بالمساعدة ديال مراتو "روزاليا ميرا" باش يأسس شركة، اللي غادي يبقى يبيع فيها ملابس ديال النساء وكذلك بعض الملابس اللي شبيهة بملابس أشهر الماركات فديك الوقت، الإسم اللي اختار أمانسيو لهاد الشركة كان إسم "زوربا" بحيث كان متأثر بواحد الفيلم يوناني شهير، ولكن من بعد آكتشف أن واحد المحل حداه ديال الخمور عندهم نفس الإسم، وهو يبدلو وسماه "زارا". أمانسيو كانت عندو خدمة مختلفة على الجميع، بحيث كان كيقوم بتقليد تصميمات الأزياء ديال كبار بيوت الأزياء في هاد المجال، بل كان أيضا مكافح بحيث كان كيد

#الماركتينغ_بالدارجة #أجي_تفهم كيفاش يمكن لينا نقولو هذا إعلان ناجح؟ الإعلان اللي كينجح كينقل العميل من "لفت الإنتباه" إلى "إثارة الإهتمام" وأخيرا ملي كيدوز على المراحل اللي فاتو عاد كيجي "اتخاد القرار" باش نشري داك المنتوج ولا الخدمة.. إذن ايلا جينا نلخصو هادشي فغادي نقولو أنك كشركة تقدر أسيدي تحقق "لفت الإنتباه" بالإعلان ديالك ويحقق گاع انتشار واسع، ولكن واش العميل غادي ياخد قرار إيجابي اتجاهك ويشري من عندك؟ هادشي داخل فسياسة التواصل ديال الشركة بما يسمى "Méthode AIDA " اللي خصها تستعمل بطريقة إيجابية باش تحقق إعلان ناجح وتخلي العميل يقرر باش يجي يشري من عندك.‬⁩

#الماركتينغ_بالدارجة #شنو_هو_الماركتينغ العديد من الناس يمكن كيعرفو شنو كيعني الماركتنيغ سواء بحكم الدارسة ديالهم لهاد الشعبة او بحكم العمل ديالهم  فهاد الضومين، لكن بطبيعة الحال الفهم ديالو كيختلف من شخص لأخر.. الماركتينغ كلمة ولينا كنسمعوها مؤخرا فجميع الحالات وجميع البلايص، كتلقى اشهار تيقوليك شوف الماركتينغ، شي حد داير  مشروع ومشييي ليه مزيان تيقوليك شتي الماركتينغ اش كيدير، الزواق ولا الألوان الديزاين، ديما شوف الماركتينغ. الماركتينغ هو حالة كتطبق علينا وحنا ماعارفينهاش أصلا سواء بغبينا ولا كرهنا، بزاف د الناس قالو فاش كيسمعو كلمة الماركتينغ، كتجيهم انه هو "زوق تبيع" وكاين اللي قال "الكذوب على المستهلك" ووو.. لكن واش هادشي بصح؟ الماركتينغ فتعريفه العلمي هو، القدرة ديال الشركة ولا المقاولة على انها تحدد وتشوف فين كاين النقص عند المستهلك، وملي كتلقى هاد النقص كتحاول تقترح حلول باش يتحيد هاد النقص فمرة وفنفس الوقت تلبي الرغبات والحاجيات ديالهم..، بطبيعة الحال الشركة راها كتلبي الرغبات ديالك اصاحبي ولكن فنفس الوقت راها باغيا تربح تاهيا مع